кто не разлучится от жены своея, не имать ученик Мой быти, ин несть Мне достоин; ни; не буди то, окаянный сребролюбивый человече; но сице рекл, аще не оставит кто отца или матерь, или жену и дети и прочая, не может Мой ученик быти (Лк. зач. 77). И паки, аще не возненавидит кто, и возмет крест и вследствует Ми, несть Мене достоин. Да ино убо разлучение, ино же оставление, и возненавидение; разлучение убо есть, разделение, еже есть рассечение. Рассечение же, нуждею пререкаемо бывает, потомже делимо и разлучимо. Воистину добре убо Господь глагола (Мф. зач. 78; Еф. зач. 232), сего ради оставит человек отца и матерь, и прилепится жене своей, и будета оба в плоть едину, и тело едино. Да како убо мощно кому тело разделити; разве той, иже есть сочетал. Рече бо, еже Бог сочета, человек да не разлучит. И апостолу глаголющу (1 Кор. зач. 138), обещалълися еси жене, не ищи разрешения. И в Гангре собора, правило девятое рече: поклят всяк иже оставит жену свою, изветом благоверия. Да аще убо проклинает благоверия ради, еже есть иночествовати, то кольми паче богатства ради и чести. И правило третие надесять шестого собора, диакона и пресвитера пущающа жену свою большего ради сана, таковые испоповства изврещи повеле, да смирившеся от большего останутся. Сице убо и епископы седящые на престолех своих и оставляющих, и на ин восступающих, таковых богогласных святых отец правила прокляша, и изврещи я повелеша из епископства. Такожде и Никейского первого собора, пятое надесять правило, и в Средце собора, первое и второе правило, и от общения таковые отлучает: и двадесять первое правило Антиохийского собора не повелевает, но праздного епископа, рекоша святии апостоли и богоноснии собори, в епископию праздную вводити, не просто рече праздных рассудиша, иже своею волею оставивша. Но иже нуждею изгнана бывша неверными человеки, и людьми места того, или варварского ради нашествия, или царства иного наитием. Якоже многажды бысть в Персиде, и в Палестине и в Египте, паче же и во инех мнозих местех ратем нашествие и мятежем мнозем востающим, овии отгоними бываху, овии же ранами и темницами томими многи страсти подымаху, и никакоже не приложшеся ко инех воли, но чисто исповедание свое соблюдше, и веру яже к Богу тверду известно показавше, приятельство же велие возрастивше, к тем, от них же посылаеми бываху: таковых убо повелеваем на престол вдовствующия церкве ввести, по даре же честию и большею обложити я, яко да и прочии убо окрест сущии епископи и грубые и слабые, ревность приимше цело исповедание свое снабдят. Аще убо божественых святых апостол и отец правила большая и известнейша и учителнейша, сведящая ветхий весь и новый закон, в чистоте возрастшие от престола их на ин лучшии возвести повелеша пользы ради людей, но совершеным собором, то кольми паче сим подобает лучьшия им подати чести, иже во мнозе нужди бывше, и веру непорочну снабдеша. О сем убо и правило четвертоенадесять святых апостол повелевает. Такожде и Антиохийского собора правило шестое надесять, известнее же шестого собора, правило седмое надесять. Сице убо и сей святый собор воследствуя евангельскому гласу Господа нашего и Бога Иисуса Христа, и прехвальных Его апостол и ученик преданием, таковое же запрещение положиша, на хотящие богатства ради и чести большия пущати жены своя, не точию от сущего на них сана отъяти рече, но и отнюд прокляти, и от святого общения отлучити повеле. Рассудивше убо яковии никогда же изволят в хуждьшу и убожайшу епископию ити аще и нудими суть мноземи, но множайша имения, и славу, и покоя себе ищущии, дерзают разоряти заповеди Божия, их же пагуба смерть, еже во аде мучение, и споспешители их, рече божественое Писание (Исаиа. зач. 10), горе творящим свет тму, а тму свет. Свет бо суть божественые заповеди. Да иже суть послушающии, то во свете пребывают. Тойбо сам владыка рече (Ин. зач. 42): ходяй во свете, не имать поткнутиса, ходите доньдеже свет имате, да тма вас не имет. Ходяй бо во свете, не имать поткнутися. Ходяй же во тме, невесть камо идет. И паки рече (Исаиа. зач. 66), на кого призрю; но на смиреного и трепещущего моих словес. И паки, любящие заповеди моя возлюблю, бесчествующии же возненавидени будут. И другие книги, преступаяй рече, обычаи чистотные и целомудреные, без муки не будет. Да аще убо обычай преступающии, и мучения не имут избежати, то кольми паче Спаса нашего заповеди разоряющии, и Его святых ученик и апостол. Паки ответ имам дати. Рече бо апостол (1 Тим. зач. 282), не новосаждена, не может бо рече не ученый якоже имеяй держати лука. И не может отроча точно тещи мужеви. И бремя аще наложиши немощному выше силы, то погубит и: но искусным и крепким, иже может ратники побеждати. Аще бо воевода будет слаб и страшив, то все воинство в погибель будет. Добре убо божественый апостол учит рек (Еф. зач. 233), братие, облецетеся во вся оружия Божия, да возможете стати противу кознем сил неприязненых. Да аще убо к невидимей брани, апостол повелевает крепким быти, то кольми паче зде требе есть противу плотским еретиком готовым быти на победу им. Аще кормчии веглас есть и хитр, обращати корабль во время бури, может спасти корабль от погружения. Аще ли невежда есть, то и во время тишины погубляет корабль, и сущия в нем.

Правило 82.

Греческий текст

Πάλιν ἤρεσεν, ὥστε μηδενὶ ἐξεῖναι ἐπισκόπῳ, καταλειφθείσης τῆς αὐθεντικῆς αὐτοῦ καθέδρας, πρός τινα ἐκκλησίαν ἐν διοικήσει καθεστῶσαν ἑαυτὸν ἀποφέρειν ἢ ἐν οἰκείῳ πράγματι, ὑπὲρ ὃ χρὴ ἐπὶ πολὺ ἀπασχολουμένῳ ἀμελεῖν τῆς φροντίδος καὶ τῆς συνεχείας τοῦ ἰδίου θρόνου.

Перевод

Заблагорассуждено, да не будет позволено никакому епископу оставлять главное место своей кафедры и отходить к какой-либо церкви, в его епархии состоящей, или более надлежащего упражняться в собственном деле и составлять попечение и прилежание о своем престоле.

Толкование

Зонара. И справедливость и точный смысл божественных правил требуют, чтобы епископы пребывали в собственных епископиях и учили людей и устрояли их, а не оставляли главного места своей кафедры, то-есть первоучрежденных своих престолов, и не удалялись в другую церковь. Ибо многие из епископов имеют церкви в других местах подчиненных ими округов, которые правила называют приходами (παροικίαι) и в которых обыкновенно не поставляются епископы. Итак правило постановляет, что епископ не должен удаляться в такую церковь и проводить в ней время, пренебрегая собственным