Гебитигер Ливонии.

Dem Erwirdichenn unnd geistlichem! heren hern merten truchßes Homeister deutssches Ordens.

Unsern willigen undirtenighen gehorßaem myt demuttigeher all unsers vormogens Irbittunghe stets ztuvoren. Erwirdig[e] gnediger lieber her meister. So wier zty vill zteitenn euwer erwirdikeith den großenn mennichvaldigen gedranck, obirfaill, ropp, morth branth der boßhafftigenn snoden abegesunderten Rewßen, dorch schrifft unnd botschafft uffs allirvleisigeste haben Iroeffenth unnd kunth gethan, wie sie van eigener wrevelhafftiger vormessenheyt widder goth, ere unnd recht ym veligen bekussten unnd vorßegelthen vrede disße lande obirczogen Jünkfrouwen unnd frouwen beschemten, ere börste abesneten unnd den mennen yn de munde stysßen, den mennen ere gemechte berobten unnd den weibespersßonen yn de münde hynghen, den cristenen neßen unnd oren abesneten, fynghen, hinghen rederten, hende unnd fusße abehywen, hesten schatcztenn yn ere ее loffte, swanger frouwen uffsneten, de frucht awßem leibe nomen unnd spisseten, dy dermen hefften an dy boeme, dy lewthe drünnghen ere eygene yngewethe awßem leibe czu reisßen, unnd vele mehr unmenschlicher obelthath, die wyer uns entßeen czcu entdecken. Szo woll yn den Stychten Righe, Darppth etc. alße yn unsers ordens Landen betrebenn, dar zcu lande, wasßer unnd Visschede abedrünghen ect. Dar umme wier van natürlicher cristlicher phlicht gedrungen wurden noithweringhe tzu thunde, diesße Lande zcu beschuttzen[de] unnd das cristliche bluth zcu rettende. So etzclicher moße uff dy zceith van dussen gemeynen landen unnd uns geschach unnd des keynen ummeganck konden gehaben unnd gherne vill mehe, were es yn unßer macht geweßen, hetten gethan etc. unnd ßo wier demuttigist konden unnd ynß allirhogiste wier solden unnd mochten hulffe, trost, biestanth unnd entsetzunge gesucht, gebethen, unnd irforderth an euwer Erwirdikeith unnd eren wirdigen Gepitigeren, Landen unnd Steten. Haben euch ouch vormelth wi[e de] großfforste van Moßkouw myt dem Tatersschen keyßer, do methe eer yn krigen unn unraw stünth, abegeßüneth (d)usße lande nw zcu obirtzihende yn meninghe waß. Abir uffs allirhogiste van euwer gnaden unnd den eren e unnd begernde. Ist doch unsir unnd dussir lande ßo gair mennichvaldighe noith, beclaginghe, gedrangk unnd uncristlich obirfaill nicht zcu hertzen genomen, Sunder wier sien van euwer heerlichkeith unnd den eren gantcz trostloß in den henden unnd vorslinginghen der snoden abegesunderten Rewsßen vorlosßen. Des wir uns, noch ordenthlichem geboir, natürlicher heischinge unnd cristlicher phlicht ummers nicht vormütteth hetten, getrewlich angeßeen unnd woll besonnen, wie ghar vleissicklich unsir voirfam seligenn, wier unnd unsir Erßsamen mitgepitigher uns bey unßerm orden unnd den landen alle czeith yn den vorloufften unnd sweren krighen willicklichen beweyßeth yn egenen perßonen, angebornen frunden, dynem, harnisch, pheerden, kost, czerunge an awßrichtingen grosßen mercklichen ßummen gheldes dem Heren konnughe van Dennemarcken unnd anderen begifftinghen unnd awßgebingen nichtisgesporet, unsir unnd unßers ordens ampthe unnd Gepiethe vorschrieben vorphandet, vorßatzt monstrantzen, kelche, silberne unnd voirgulthe bilde unnd andere klonodien. Silberne koppe, schalen, bechcher yn obirscherigher maß, kirchchen Capellen unnd uns allen gebloßeth unnd unsern orden unnd den landen zcu gutthe unnd zcu enthsetczinghe gehantreichet, unnd die wiell wirs hatten mytgeteilth haben, unnd nw gathe geclageth Sulchs gantcz vorgesßen unnd uns unserm orden unnd dusßen landen keyne enthsetzunge, holffe noch bistanth gethan wirt van euwer Erwirdikeyth, eren Gebitigeren noch landen unnd Steten yn unßem ßo gar engistlichen obirfallingen unnd betrupplichen noithsachchen, dy wir klegelichenn euwer Herrlich(hei)t vormelden. Das nw an Sunthe peters abend schierst vorschienen der großforste van moßkow dy seyne, darzcu dy nowgartir myt sampth den plefskouweren unnd anderen Tatheren, Saracenen und uncristenen, myt grosßer obirscheriger geweldigher macht yn Dusse lande ungewemeth, santhe, yn drein houbtheren, eyn Heer czcur Margenborgck, das andir yns stiffthe Darppth Das dritte zcum Walke, eer leger begriffen, unnd bey grossen hauffen sich wider unnd vorth yn diffse lande zcu fuffse, myt sleten unnd czu pheerde alfse reytten unnd diffse lande unnde alle strafsen mechticklichen vorsperthen, unsir eyn den andirn fso wir ummers willicklich unnd gem hetten gethan nicht enthsetczen, noch bryve eddir botschaffft schicken konde unnd woren alfso mechtigk van reisigem volke. All hetten wir en diffsen landen mit aller macht zcu fsammen gewest, were uns doch allen ane sunderliche hulff des almechtighen gotts, nicht woll mogelich gewefsen zcu widderstonde noch fsy zcu bestreiten,loghen lenngck dan iiij wachchenan unsern Dangck en diffsen landen, Das Stifft Darppt So woll alfse unsers Ordens lande zcur margenborgk, Adfsell, Ermes, Trikathen, Smilten, pebalge Czeswegen, Cokenhwfsen, Ludfsen Ruffsiten Helmede, Ruyen, Carchwfs peistell vellin, unnd wayll dorchgeczogen, vorheert, vorbranth, kirchen, Cappellen, hoüe, waninghen, deutsch unnd undeutsch, vorwercke, hakelwerke de Stath velin unnd das Slofs Tarvest gewonnen, unnd gantcz awsgebranth, man weipp, kynth Jünck unnd alth vormordeth vill wegk gefurth dar zcu glocken hawfsgerethe, allirleye habe, pheerde pheerdemütter volen etc. myt sich genomen, pristere gegeifselth unnd dar zcu yns fewr geworffen unnd fso groffsen uncristlichen yamer myt schendinge Junckfrouwen unnd fruwen schemelosen betrethen, das wirs zcu vollen nicht schreiben konneen noch mögen euwer gnsden, dy vor wair sali geloben unnd bfynden, hette sie unsir mannichueldige klegeliche noith unnd yamerlichenn gedrank yn czeiten czu hertczen genomen, unnd uns hulffe gesanth der wir uns nach unsen velen anlangingen woren vormuttende, wolden wir solche uncristliche obeltath myt gotts hulffe woll gekarth haben unnd uff das noch grüntlich undirbrechunge disfser lande vormedn bleibe, vormaanen, bitthen unnd anlanghenn wwier uffs allir demuttigste unnd vleissigite wier sollen unnd mögen euwer Ewirdickeith, dy myt eren wirdigen gepitigern landen unnd Steten hi ruff synnen unnd unserer vorfam unsir unnd unfsir Geepitiger getruwe hulffe beystanth unnd enthfsetczunge uff unsir eghene koste unnd czeerunge bey den landen gescheen zcü hertczen czyhen unnd vorynnern diffse so groffse grefseliche unnd klegeliche vormordinghe unnd awfsradinghe des unschuldigen cristlichen bluts, betrachten unnd reifflich beweghen, das wir myt nicht van unsir macht diffse lande vor solcher obirscherigher vyntliker gewalth tnthaldenn moghen, unnd uns unsern orden unnd diffse lande ane merckliche hulffe unnd enthsetczinge myt ghelde gutthe unnd volke zcü fuffsse unnd zcu pheerde mmyt euwer kost unnd czerunghe vorsorgeth, nicht lenger trostloffs loffssen, noch dem diffse lande nw fso vorheerth vorbranth unnd vorwusteth syen, wyer keynen sloth wie zcuuoren vormoghen awfsczurichten auch unsir brudir unnd denen vaste vorstorben, vorvroren unnd dirslagen syen Ist gnediger lieber Herr Meister leichtlich zcu besynnen fso dussir orth der cristenheyt alfse nw begonth ist vortdan wirth undirbrachen, was guts niitcz unnd vromen anderen begrenitczen unnd ummegelegenen landen nicht alleyn, sunder ouch der gemeynen cristenheit, dar awfs Irspiffsen will, unnd ob disse lande, dat goth vorbieth [da Gott vor sey] fso trostloeffs vorloffsen worden, wier doch nicht hoffen, unnd dar obir zcu spilde qwemen weme men dy schulde zcumessen solde, kan eyn Itzlich woll besynnen, Euwer gnade myt eren wirdigen Gepitigeren wille auch gütlich gedencken, unnd unsir noith Itczt vor oughen, anfssen unnd uns solche swere, awfslentibghr dy unfsir vorfarn fseligen do der groffse streith yn palenvoeloren warrth bey unfserm orden in den landen haben dar gehandtreichet, noch ynholth vorfsegilter breve unsirm orden dar abir gegheben, unnd och sodane ghelt, wir uff Tapiaw Welaw unnd dy Memell haben gelenth wedder awfsrichten unnd beczalen, wier do methe volck uffbrenghen unnd unsern orden unnd diffse lande enthsetzen unnd retthen mögen, yn sulchen fso gair groffsen betrüpnissen unnd engest noethen dy uns hir czu dringhen unnd keynen ummeganik können gehaben, wier musßen dar ume anlangherm unnd Irforderunghe thün an euwer Erwirdikeith myt vleifsiger andacht bittende uns difs nicht vor obill han noch ungutlich uffnemen wille, alfse wir daß auch gantcz vortrowenn unnd zcu gutter awßrichtinghe vorlosßen, alße das euwer hochwyrdige gnade selbest will kan Irkennen, dy weir gotte almegcktich salich unnd geßunth zco langhen voirhafften cziden bovelen. Gegeben zco Righe am Sonnabende vor palme ym LХХХisten Jare.